Prishtinë, 06 Mars 2025.

Sot, më datë 06. 03. 2025, studenti Eset Qerimi mbrojti temën e diplomës në Nivelin Master me titull “PRIJËSIT FETARË ISLAMË DHE KONTRIBUTI I TYRE NË NDËRTIMIN E PAQES NË KOSOVËN E PASLUFTËS”, në Fakultetit të Studimeve Islame në Prishtinë.

Komisioni ishte i përbërë nga:

1. Prof. dr. Fahrush Rexhepi, kryetar

2. Prof. dr. Ramiz Zekaj, anëtar

3. Prof. ass. dr. Rexhep Suma, mentor

Fillimisht fjala iu dha kandidatit Eset Qerimit, i cili bëri paraqitjen e ekspozesë së masterit në pika të shkurta, duke i shfaqur ato me sllajde dhe duke bërë elaborimin e temës në pika të shkurtëra dhe koncize. Përmes këtij punimi, kandidati është munudar të hedhë dritë modeste në lidhje me atë se feja Islame është fe e paqes. Kjo fe ka lëshuar rrënjë në trojet shqiptare përmes paqes, pavarësisht etiketimeve të caktuara dhe pavarësisht rasteve të izoluara ku mund të ketë pasur devijim nga udhëzimet hyjnore.

Punimi ishte ndarë në 5 kapituj. Kapitulli i parë ka për tematikë Islamin dhe paqën universale, ku në këtë kapitull është përmendur domethënia e fjalës Islam, duke u bazuar në studimet që kanë bërë studiues të shquar.

Në kapitullin e dytë flet për aspekte historike të Islamit në Kosovë, në të cilin ka përmendur mënyrën e depërtimit të fesë Islame në Ballkan, kohën e depërtimit të fesë Islame, rrethanat dhe riorganizimi fetar jashtë Shqipërisë së pavarur, kontributi i hoxhallarëve shqiptarë në aspektin kombëtar, roli i mejtepeve dhe medreseve në aspektin kombëtar mes dy luftërave botërore, roli i hoxhallarëve dhe Bashkësisë Islame gjatë viteve 90-ta, roli i Medresesë Alauddin.

Vazhdon në kapitullin e tretë me sqarimin për normat juridike për organizimin fetar në Kosovë, në të cilin ka përmendur organizimin fetar në Kosovë në vitet 90-ta, normat e organizimit fetar në Kosovën e pasluftës, rregulloret e UNMIK-ut, liritë fetare në propozimin e Pakos së Ahtisaarit, organizimi fetar në Kosovën e pavarur, liritë fetare në raportin e progresit, tolerancën fetare në Kosovë, kontributi i hoxhallarëve në mbjelljen e tolerances ndërfetare. Ndërsa në kapitullin e katërt flet konkretisht për kontributin e hoxhallarëve shqiptarë për ndërtimin e paqes në Kosovën e pasluftës. Në këtë kapitull ka përmendur rolin e BIK-ut drejt thirrjes për paqe pas përfundimit të luftës, organizimin dhe pjesëmarrjen e hoxhallarëve dhe zyrtarëve të BIK në konferenca, tryeza që ndikojnë drejt arritjes së paqes, rolin e Medresesë Alauddin dhe FSI-së në përgatitjen e kuadrit që i kontribuojnë paqes, roli i hoxhallarëve në mbjelljen e paqes, roli i tyre në dialogun ndërfetar, media e shkruar e BIK dhe roli i saj në tolerancë e mirëkuptim ndërfetar.

Ndërsa, kapitulli i fundit, përmban hulumtimin empirik të bër nga kandidati, ku në këtë kapitull ka përmbledhur dhe analizuar intervistat me tre hoxhallarë që janë marrë direkt me hoxhallarët që kanë qenë dhe akoma merren me krijimin e urave të mirëkuptimit mes palëve, gjegjësisht pajtimin e ngatërresave dhe gjaqeve.

Pas përfundimit të elaboratit nga ana e kandidatit, komisioni e uruan për punimin dhe i dhanë disa këshilla e sygjerime për temën dhe e përgëzuan për punën e bërë duke mbledh informata përmes anketimeve, intervistave me hoxhallarë, dhe në fund e vlerësoi me vlerësim të shkëlqyer.