Dje, më datë 24. 07. 2024, studentja Rineta Nitaj mbrojti temën e diplomës në Nivelin Master me titull “Roli i vakëfit në përhapjen e kulturës dhe arsimimit Islam në Kosovë”, pranë Fakultetit të Studimeve Islame në Prishtinë.
Komisioni ishte i përbërë nga:
1. Prof. asoc. dr. Islam Hasani, kryetar
2. Prof. dr. Fahrush Rexhepi, anëtar
3. Prof. asoc. dr. Sadik Mehmeti, mentor
Në vazhdim fjala iu dha kandidatës Rineta Nitaj, e cila bëri paraqitjen e ekspozesë së masterit në pika të shkurta, duke i shfaqur ato me sllajde dhe duke bërë elaborimin e temës në pika të shkurtëra dhe koncize. Qëllimi i punimit të studentës ishte të njohurit me rolin e vakëfeve në Kosovë dhe ndikimin e tyre në përhapjen e kulturës dhe arsimimit Islam në shoqërinë përkundër sfidave nga pushtimet e vazhdueshme përgjatë shekullit të fundit, si dhe kontributin e vakëflënësve shqiptarë në ngritjen e vakëfeve në Kosovë.
Punimi ishte ndarë në 3 kapituj, ku kapitulli i parë për temë kishte historikun e vakëfit në Islam, ndërsa kapitulli i dytë flet për traditën e vakëfit në Kosovë. Kapitulli i tretë sqaron rolin e vakëfit në përhapjen e kulturës dhe arsimimit Islam në Kosovë.
Pas përfundimit të elaboratit nga ana e kandidatës, komisioni parashtroi disa pyetje për kandidatën si dhe u dhanë disa sugjerime e përgëzime për temën e zgjedhur nga ana e komisionit, duke e çmuar dhe zgjedhjen e temës të cilën komisioni e panë si shumë të nevojshme për kohën, gjithashtu çmuan lartë edhe punën e bërë ku kandidatja kishte mbledhur mjaftë material lidhur me temën duke shfrytëzuar literaturë të bollshme dhe poashtu kishte bërë intervista dhe anketime, të cilat u vlerësuan shumë, dhe në fund e vlerësoi me vlerësim të shkëlqyer.
Prishtinë, 25 korrik 2024.
![](https://fsi-edu.net/wp-content/uploads/2024/07/452430816_878608664299587_5504661733205783976_n-768x1024.jpg)
![](https://fsi-edu.net/wp-content/uploads/2024/07/452704310_878608724299581_8430109978891418380_n-1024x768.jpg)
![](https://fsi-edu.net/wp-content/uploads/2024/07/452719574_878608837632903_1877651551956845907_n-1024x768.jpg)
![](https://fsi-edu.net/wp-content/uploads/2024/07/452742777_878608734299580_4681390091547416180_n-1024x768.jpg)
![](https://fsi-edu.net/wp-content/uploads/2024/07/452864130_878608634299590_8317978818271705406_n-1024x768.jpg)
![](https://fsi-edu.net/wp-content/uploads/2024/07/452875078_878608874299566_4260953696526646537_n-1024x768.jpg)
![](https://fsi-edu.net/wp-content/uploads/2024/07/452916233_878608730966247_6026566516746932103_n-1024x768.jpg)
![](https://fsi-edu.net/wp-content/uploads/2024/07/452968593_878608840966236_5878147406897591008_n-1024x768.jpg)
![](https://fsi-edu.net/wp-content/uploads/2024/07/452977419_878608920966228_7322495853159483199_n-863x1024.jpg)