Bashkësia Islame e Kosovës

Fakulteti i Studimeve Islame

Në bazë të rregullorës nr. 02/24 të datës 22.07.2024 për studime master ju bëjmë me dije se ekzemplari i punimit master të kandidatit Ilir BYTYQI me titull: “KIRAETET KURANORE NË FOKUSIN E ORIENTALISTIT IGNAZ GOLDZIHER DHE TRAJTIMI I TYRE” gjindet në bibliotekën e Fakultetit dhe të interesuarit mund ta shfletojnë deri më datë 07.03.2025.

ABSTRAKT

Kiraetet kuranore përbëjnë një aspekt kyç të studimeve islame, duke reflektuar variacionet dhe nuancat në leximin e Kuranit. Ky hulumtim analizon në mënyrë kritike qëndrimin e orientalistit Ignaz Goldziher, i cili në veprën e tij Medhahibu et-tefsir el-islamije, synon t’i shfaqë kiraetet kuranore si produkt i evolucionit historik dhe ndikimeve dialektore post-profetike.

Në përgjigje të këtyre pretendimeve studimi shqyrton kufizimet metodologjike të Goldziherit, duke ndërthurur qasjen orientale me kundërpërgjigjet e dijetarëve musliman. Synimi është të dëshmohet se kiraetet nuk janë konstrukt historik, por një trashëgimi autentike islame, e ruajtur me besnikëri, precizitet dhe saktësi të lartë në formë gojore dhe të shkruar.

Kjo çështje ka një rëndësi të madhe, veçanërisht në kontekstin regjional, ku mungojnë studime të thelluara islame mbi tematika orientaliste veçanërisht rreth dyshimeve të kiraeteve kuranore. Ky hulumtim ofron një qasje kritike ndaj pikëpamjeve orientaliste dhe mbështet pozicionin e Kuranit sipas pikëpamjes islame.

Fjalët kyçe: Kuran, leximet kuranore, Ignaz Goldziher, orientalistë, demantim.

ABSTRACT

Qur’anic recitations constitute a fundamental aspect of Islamic studies, reflecting variations and nuances in the reading of the Qur’an. This study critically examines the stance of the orientalist Ignaz Goldziher, who, in his work Medhāhib et-tafsir el-islamijeh, seeks to portray Qur’anic recitations as a product of historical evolution and post-prophetic dialectal influences.

In response to these claims, the study analyzes the methodological limitations of Goldziher’s by integrating orientalist approach with counterarguments from Muslim scholars. The objective is to demonstrate that Qur’anic recitations are not a mere historical construct but an authentic Islamic tradition, meticulously preserved with fidelity, precision, and accuracy in both oral and written forms.

This issue holds significant importance, particularly in the regional context, where in-depth Islamic studies on orientalist discourse—especially regarding doubts about Qur’anic recitations—remain scarce. This research provides a critical approach to orientalist viewpoints while affirming the Qur’an’s integrity from an Islamic perspective.

Keywords: Quran, quranic recitations, Ignaz Goldziher, orientalists, denial

Prishtinë, 28.02.2025