Prishtinë, 19.02.2025

Programi SHER (Sustainable Higher Education and Research) këto ditë ka hapur thirrjen për grantet e vogla në fushën e Dimensionit Social: SHER Programme Social Dimension Small Grants, prandaj, sot më datë 19.02.2025, një Ekip nga ky Program në krye me znj. Donjeta Ibra, Menaxhere e Zyrës, erdhën që të mbajnë një sesion informues për studentët në mënyrë që t’ju ofrojnë më shumë informata dhe detaje rreth procesit të aplikimit si dhe t’ju ofrojnë përgjigjie për ndonjë paqartësi eventuale që studentët mund të kenë.

Ato sqaruan para studentëve mënyrën e aplikimit dhe prezantuan të gjitha udhëzimet lidhur me aplikimin dhe realizimin e projekteve si në aspektin përmbajtësor ashtu edhe atë financiar.

Ky sesion ishte mjaftë i dobishëm dhe i nevojshëm, dhe studentët u ndanë të kënaqur dhe të motivuar për të aplikuar në projektet e ofruara.